क्षेत्र भेट-युसुफ मेहेरअली सेंटर, मु . तारा पो. बारापाडा ता.पनवेल जिल्हा रायगड
युसुफ मेहेरअली सेंटर, मु . तारा पो. बारापाडा ता.पनवेल जिल्हा रायगड येथे दिनांक 23 मार्च 2023 रोजी आदर्श समूहाचे चेअरमन मा. श्री धनराजजी विसपुते सर यांच्या प्रेरणेने व मा. प्राचार्या कुसुम मधाळे यांच्या मार्गदर्शनाने श्री. डि.डी.विसपुते अध्यापक विद्यालयातील छात्रध्यापकांची क्षेत्रभेट आयोजित करण्यात आली.
या क्षेत्रभेटीमध्ये तेल गिरणी,सुवासिक साबण निर्मिती विभाग, टाकाऊ पासून टिकाऊ वस्तू बनविणे( सुतार काम विभाग ) माती काम विभाग,. डेअरी विभाग व गांडूळ खत निर्मिती विभाग, बापू कुटी या सर्व विभागामधून छात्राध्यापकांना प्रत्यक्ष कृती मधून अनुभूती देण्याचा प्रयत्न केला. विद्यार्थ्यांचे यशस्वीरीत्या प्रात्यक्षिकांचा भाग समजावून देण्यात आला. सामाजिक व वैकासिक कौशल्याधरीत शिक्षणाची जाणीव करून देण्यात आली.तसेच मानव मित्र देविदास सरांनी युसुफ मेहेर अली सेंटर विषयी माहिती दिली.
या क्षेत्र भेटीसाठी प्रथम व द्वितीय वर्षाचे एकूण ६३ विद्यार्थी व सर्व शिक्षक सहभागी झाले होते .
